張學友讚而家新人好犀利勁過自己

發佈者: jacky | 發佈時間: 2022-12-19 21:14| 查看數: 1168| 評論數: 0|帖子模式

張學友讚而家新人好犀利勁過自己:嗰班新人企喺台就唱得㗎啦喎
香港01 撰文:邱愛霖出版:2022-12-19 19:00

張學友入行逾30年,早已登上神壇榮升歌神。近日他現身香港電台節目《香港機遇》接受周振基教授訪問。多年來不少歌迷諷刺「香港樂壇已死」,但疫情三年期間樂壇卻逐漸復甦,不但MIRROR紅透半邊天,新一代歌手代表更有張天賦、林家謙、Tyson Yoshi(程浚彥)、Serrini(梁嘉茵),以及出道多年近來彈起的鄭欣宜和陳蕾等。

Jj3BQgDkaU0pJaAY-eBAJCQJIVD0Raei5-2mw-ftpsM.jpg


張學友1984年參加《全港十八區業餘歌唱比賽》取得總冠軍入行,實力不容小覷,談到新舊歌手分別,張學友認為時下新人比較辛苦,他說:「而家啲人係辛苦啲嘅,我哋以前有好多空間,所謂空間就係你真係唱得唔好,或者跳得唔好,啲人仲會話慢慢嚟啦!隔咗佢一年表現有好啲,啲人會話有進步有進步,以前空間比較大啲。」

張學友認為如今互聯網發達,歌迷期望時下新人出道要立即唱得跳得,故較不輕鬆,他讚道:「所以你見到所有新人一出嚟就好勁,跳舞跳到嘭嘭聲,個個都係郭富城,就係佢一出嚟就要已經準備好,我哋以前就爭啲,我覺得佢哋而家犀利啲。我哋以前可以邊學邊做,而家佢哋冇得邊學邊做,而家我覺得要系統性訓練咗,然後先可以出嚟比賽,出咗之後你哋要即刻可以企上台,我覺得佢哋好犀利,嗰班新人企喺台,唱得㗎啦喎,加速咗好多、壓縮咗好多。」

說到8、90年代有劉德華、張國榮、梅艷芳等多位巨星,不少人批評現在沒有一位歌手有當年巨星潛質和風範,張學友認為是演藝事業發展方向不一,他說:「我哋以前好區域性㗎嘛,淨係香港,啲人又少娛樂,大家又淨係睇住嗰樣嘢,咪好容易一個人變成一個焦點。」

qqDf-OSO4vH87jrXxO7mpIPSeuv1ZyTlwxsuY8MbLmM.jpg
張學友現身香港電台節目《香港機遇》接受周振基教授訪問。(節目截圖)


張學友表示樂壇環境難以「造星」:「以前嘅媒介,通常搵到一個目標,大家會一齊做嗰個目標,例如以前我哋係中文金曲、勁歌金曲、叱咤,多數都有獎;但後尾發展咗,而家各自為政,焦點唔集中嘅時候好難做到一啲所謂明星,因為大家唔係同一時間睇住一樣嘢,變咗各自鍾意唔同歌手,變咗分得好散。」

談到有人指流行金曲已不復再,張學友則以經典名曲《每天愛你多一些》為例,這首歌上榜達大半年,之後仍不定期持續播放,「咁樣嘅一個播放率、關注度,佢自然會變成金曲。好多旋律你聽一次會唔記得,聽10次你想唔記得都唔得,聽100次你就自己識唱,咁就變咗你嘅歌。」《每天愛你多一些》是張學友的名曲。(資料圖片)

他坦言現在做藝人「辛苦嘅,做我哋呢行係冇以前咁有利,但都實有辦法嘅。」周教授稱讚張學友的歌風靡華人社會,張學友謙稱:「咁係因為啲華人去晒唔同地方。」

LO_8WHl9J3rED35PPakQCM3cZI10zoJMqfd9cqn3fXI.jpg
張學友指時下歌手較辛苦。(節目截圖)

最新評論

【分享到…】
【學友新聞】
第226場60+演唱會 張學友自信宣言:我就不退休,怎麼了?
第226場60+演唱會 張學友自信宣言:我就不退休,怎麼了? 中央廣播電臺 江昭倫採訪 2 ...
張學友唱高音2度飆過頭!不敢講的全說了
張學友唱高音2度飆過頭!不敢講的全說了 懊惱自首連這絕活「也不怎樣」 記者蔡依庭/ ...
江蕙快看!張學友高雄驚喜清唱〈家後〉認因她復出才練唱
江蕙快看!張學友高雄驚喜清唱〈家後〉 認「因她復出才練唱」 ETtoday星光雲 2025年0 ...
張學友回歸!高雄飆3場爆內幕 求別嫌棄:我很努力
張學友回歸!高雄飆3場爆內幕 求別嫌棄:我很努力 2025-03-28 21:35 聯合報 記者林士 ...
歌神回來了! 張學友隔6年再登高雄巨蛋 首夜嗨爆
歌神回來了! 張學友隔6年再登高雄巨蛋 首夜嗨爆 娛樂快報 2025/03/28 闊別9個月,「 ...
傳張學友8月返場大馬開唱 主辦方打假內部票預購
傳張學友8月返場大馬開唱 主辦方打假內部票預購 星州網 大馬娛樂 發佈: 7:22pm 27/03/ ...
張學友廣州騷復唱 大傷風未癒狂抹鼻水 自嘲聲線「性感」
張學友廣州騷復唱 大傷風未癒狂抹鼻水 自嘲聲線「性感」 (14:36) 明報 2025年03月17日 ...
張學友身體出狀況!臨時宣布「取消三場廣州站演出」
張學友身體出狀況!臨時宣布「取消三場廣州站演出」來台倒數20天 Yahoo奇摩新聞(記者 ...
張學友巡演逾千場 回應投資失敗債台高築傳聞
張學友巡演逾千場 回應投資失敗債台高築傳聞 (大紀元記者佟亦加報導)更新 2025-03-0 ...

手機版 | 文字版 | 【學友熱】Jacky Fever Club   

GMT+8, 2025-4-5 08:43 , Processed in 3.306499 second(s), 29 queries .

Copyright © 2012 學友熱 Jacky Fever Club | 技術支持|LIGHTSAIL視覺

Powered by Discuz! X2.5

回頂部