學友港騷尾場勁感觸：唔知幾耐先再返嚟
01月03日(二) 02:03

咁多經典，要唱真係唱通宵。

【on.cc東網專訊】 「歌神」張學友假紅館舉行的《A Classic Tour學友．經典世界巡迴演唱會-香港站》今晚尾場，李克勤、譚詠麟、舒淇、林嘉欣與老公袁劍偉、楊千嬅與老公丁子高和白雪仙等也是座上客。楊千嬅和老公high到站起來看，更在觀眾席與學友握手和合照，而舒淇亦有跟着學友一齊唱。

勁唔捨得

尾場的rundown和之前相同，當學友唱完《忘記他》後便向觀眾打招呼：「大家好嗎？歡迎大家嚟到演唱會香港站最後一場，要我講呢句好難㗎，因為唔知幾耐先再返嚟。開始話做23場都好緊張，眨下眼就去到最後一場，好唔捨得！無論點都好，今晚唱爛喉嚨都要唱，希望大家帶住愉快同有回憶嘅心情離開。我會盡全力表演，大家放心。」

經典太多唱唔晒

學友表示很多朋友告訴他會做得到，他坦言如果真的做到，這演唱會也算經典。他向觀眾解釋何謂經典演唱會：「我去問人，有人話將我啲經典歌全部唱一次咪得囉，我都認同嘅，所以去問人鍾意聽咩歌。你話死唔死？咁講一講都幾十隻，我都抄咗六、七十隻，咪唱到聽朝？」他指觀眾第二天要上班，觀眾即大叫不用，學友即笑言：「乜香港放假放咁耐嘅？但大家唔好唔記得，我出道三十幾年啦，年過半百㗎啦，要為我諗吓。真係唔得呢，聽日要交番個場畀周杰倫。」他決定把自己覺得經典的都放在這晚，就算是經典。

楊千嬅與老公丁子高睇到企晒起身。


相信大家對學友嘅愛是永恆嘅！


現實唔似歌詞，有始就有終，惟有期待學友快啲返嚟再開騷！


學友你是最好的。


場場都好睇。


點少得勁歌勁舞呢。


年過半百？三十歲就差唔多。


唔滿足可能要等睇碟喇。


開完騷，睇嚟張學友都鬆返口氣。


唔知各位樂迷滿足未呢？