首場圓滿結束　學友紅館騷似足開嘉年華
12月04日(日) 23:25

好似開嘉年華呀！

【on.cc東網專訊】 「歌神」張學友的《A Classic Tour學友．經典世界巡迴演唱會-香港站》今日開鑼，學友表示通常唱完《你的名字我的姓氏》就差不多來到個唱尾聲：「我盡快將要講嘅講晒，唔阻大家時間。」之後他就多謝一班幕後人員，他叫觀眾給他及一班dancers掌聲：「以小弟嘅資質，跳舞要努力，但努力都會唔記得，所以佢哋喺我前面好重要。」又指要多謝今晚香港首場的觀眾：「好嘅開始係成功嘅一半，今日係唔錯嘅開始，thank you。無論我開過幾多次，嚟到紅館呢度都會緊張，之前嗰啲我都幾淡定。如果你哋覺得有啲經典歌冇唱，有時間就再等多陣。」接着便唱出《愛是永恆》及《祝福》，唱《祝福》時，學友更鬥牛士上身，拿着白布與女dancer鬥舞。

Encore環節，學友換上啡金西裝再出場，演唱一系列經典歌如《每天愛你多一些》、《李香蘭》等。唱至《給朋友》時，舞台投映出學友與多位已故巨星的合照，如梅艷芳、羅文、張國榮等，場面感人。到最後一首歌《如果愛》，舞台變成一個馬戲團嘉年華，最後學友逐一向四面台觀眾鞠躬，個唱在23：12完場。