驅魔人遇上死神 家輝 學友「兄弟班」街頭横行
2015年12月02日 成報

張家輝執導新片《陀地驅魔人》上映五天票房已過六百萬，以近半年的港產片票房而言，成績相當不俗，就連在戲中客串的張學友也戥這「弟弟」感到高興。雖然客串演出，卻給觀眾留下深刻印象，甚至令不少網民議論紛紛，到底學友演的死神一角是否下集的伏線，為電影添上神秘感。而身為導演的家輝也大賣關子，沒洩露任何口風。

家輝為阿哥（學友）在片中死神的造型相當重視，特地找來星級美指奚仲文設計，跟以往電影中的死神相比，時尚非常。所以當學友在街上手執黑傘拍攝時，顯得特別顯眼，引來不少途人注目，連曾志愇也來探班，看個究竟。而有份演出的林嘉欣也在現場欣賞學友哥如何演活一個時尚死神。

由於家輝雙重身份，既是導演又是主角，所以身穿驅魔人戲服在街上指導學友演出時，兩人一黑一白相映成趣，且任意在街上走動拍攝，有工作人員更笑說：「現場加演了一場驅魔人遇上死神，街上横行。」

學友表示：「我本應只出現一個鏡頭，係一個路過行人，望到一啲嘢就行咗去，但基於呢部係驚慄片，咁簡單導演又唔想，所以將我整到白哂咁，要由大家判斷我係一個咩角色，感受下。」

家輝則坦言籌備電影之初已一早預留一角給學友，他說：「一開始已想搵阿哥去做，但佢係我阿哥喎，要做個有份量嘅角色！直到故事尾段衍生咗呢個角色出嚟，最後決定都係由阿哥嚟做，個威力會大啲！」家輝又表示自己在電影拍攝到三份二的進度時有一刻動搖，但幸好學友給他信心。

問到學友可覺家輝悉心安排的角色特別？他笑言：「我地演員嚟，特唔特別我地都盡力去做，希望導演滿意啦。我覺得可以演好啲，但導演收貨就算啦。」

至於家輝做導演是否稱職？學友大讚對方：「好好，佢非常認真，拍攝環境喺天台，要一路行6層樓到天台，之後監製話幫佢喺樓下睇螢幕，佢唔肯，又要自己行返落去睇位再拍。」家輝解釋：「唔想假手於人，我係一粒螺絲釘都要管。」

談到今次要導演身為「阿哥」兼演出經驗豐富的學友做戲有否特別？家輝說：「佢到咗依家階段，又拍唔少戲，佢自身經驗放鏡頭前已經好有力量，嗰種力量喺經驗淺嘅人冇，感染力好大，所以我冇刻意要佢做乜強烈表達，反而要佢低調啲，啱啱好就夠。」

至於學友會否希望一嘗導演滋味？他坦言：「我問過家輝，佢叫我千祈唔好做，好辛苦。其實我都冇打算做，每人都有專長，呢樣唔係我想掂嘅嘢，我份人都幾硬頸，擔保唔會做。」

此新聞相關影片 :  [影片]驅魔人拍攝現場花絮