《赤道》廣州發佈會 學友家輝首次內地合體
作者: 浩楠 / 2015-05-05 16:02:50

寰亞電影《赤道》票房大賣，首周已衝破1.6億元人民幣，今日(5月5日)「赤道」大軍拉隊到廣州舉行發佈會，出席的有張學友、張家輝、余文樂、馮文娟及金牌導演組合陸劍青、梁樂民。今次雙張兄弟是首次在內地合體，在台上歌影帝張家輝笑說：「我係張學友！」而歌神學友笑言：「我係張家輝！」學友又續說：「點解今次同台？不是因為約唔齊，其實係唔夠錢！」台下傳媒也忍不住笑！

在發佈會上司儀笑問學友：「聽講搵咗學友好多次，先可請到學友拍？」學友笑笑謂「：一搵我就答應啦，劇本好，導演好。然後等家輝個期囉!」家輝在旁說：「咩呀？其實我識唱首主題曲架，韓文嗰段。」學友便即唱幾句廣東話版，然後叫家輝唱下去，家輝十分搞笑地大唱韓文「：sa la hey(我愛你)，come sa mi da~(謝謝)！」另外，戲中的勇探張家輝最終被文詠珊（Janice Man）所殺，有很多觀眾都覺得很可惜？家輝即說：「電影嘅嘢，我想講返我打女人嗰段，其實JM太好打，我成日畀佢鎖住，咁嗰時又就嚟新年，唔係幾好意頭，畀佢咁鉗住咗，本來叫導演延期拍，好彩冇乜影響。」學友插咀笑說：「其實佢一直都被JM打，一見面就被踢要害，佢要出到「咬」先搞得掂。）此外，戲中最後一幕戲是學友為藝術而犧牲了頭髮，要剃光頭出場，而家輝為了拍另一部電影也剃光頭，家輝搞鬼地表示他是因為見到阿哥學友光頭，他才走去剃光。

在戲中張學友與張家輝不時互鬥戲法，有指學友也是好戲之人，絕對有機會問鼎影帝，家輝搶搶答說：「其實我都覺得係嘅，不過我主打唱歌，而且喺唱歌嗰度都攞咗好多獎。」不過學友抵死表示，唱歌攞好多獎，好明嘅，分嘅啫，不是單一元素，他自言比家輝更早攞獎。問到他們如果今次憑「赤道」雙雙入選影帝？學友指家輝其實想得最佳導演。

在發佈會上傳媒問學友為何不與家輝合唱主題曲？學友表示，家輝已放棄歌唱事業，又有問學友女兒可有捧場欣賞？學友表示因為部戲是兒童不宜，女兒仍是兒童未能欣賞。對於不少人大讚學友的演技，學友表示他是有接另一部戲，不過明年要籌備演唱會，相信不會再拍戲。家輝即表示他做導演請學友來拍戲。

此新聞影片：http://www.jackyclub.com/thread-16218-1-1.html