蘋果日報 2015年02月06日
【覺得醜醜哋】畀幾元買歌好唔型？
學友：道德觀念錯得離譜

學友近日接受KKBOX專訪，佢認為應該支持音樂人。

繼續係張學友接受KKBOX專訪，學友向來對自己都有要求，佢話：「我多一樣嘢，我知道我係人嚟嘅，人有一樣好緊要嘅嘢，其實有進步，所謂錄音係一個紀錄意思，紀錄當時你自己乜嘢狀態。」

學友表示應該做好音樂，令市場覺得音樂係應該備受尊重，音樂人係應該去Support（支持），同時亦可以教育樂迷，學友表示：「令佢哋會覺得買音樂係應該，買音樂先可以反映佢哋自己水平，教育水平又好，道德水平又好。」

學友續說：「我自己覺得過去十幾年，覺得係好大錯誤，咁樣好唔型，要畀幾元買歌，好唔型嘅事，又或者明明我可以負擔，我都唔應該去做，道德觀念錯得好離譜，尤其係我哋0依家香港，香港都算係國際都市，呢樣嘢喺美國日本，已經係好成功轉咗，由實體CD轉為數碼平台，已經係成功轉咗過去，而我哋仲停留喺嗰個階段，我覺得仲有啲醜醜哋，老實講，唔應該係咁。」

觀看影片請點：http://www.jackyclub.com/thread-16062-1-1.html