發表者： jacky 於 2010-11-27 15:53:54 (238 人閱讀過)

            張學友堅拒 與沈詩儀再合作
(2010年11月25日)  AM730 Media Limited
   
《張學友1/2世紀演唱會》將於下月尾由上海開始，展開維期超過1年的世界巡迴個唱，他昨日特別舉行記者會，宣布香港站會於明年4月在紅館共舉行9場。提到內地主辦商「訂金門」事件，學友表示，事件已進入司法程序，但堅決指不會再和沈詩儀合作。

記者會上，播出學友自1987至2007年個唱的珍貴精彩片段，贊助商更送出與他同齡、1961年出產的香檳，令他甚感驚喜。

羨慕王菲唱完就走
問學友今次個唱有何特別，學友甚口密：「總之會有特別舞蹈！(會否像王菲復出個唱，全程以歌會友，少說話嗎？)佢一向已經係咁樣，可以唔同樂迷說話，拜拜都唔講就走，我就做唔到，只可以羨慕，今次係1/2世紀，我又係牛，唔辛苦得多少次！」
早前他因「訂金門事件」成為新聞頭條，經理人陳太(陳淑芬)的前員工沈詩儀，面對傳媒聲淚俱下大控訴。記者追問學友，可有因此事影響個唱心情，他說：「冇，成件事我都冇理！不過最大影響係陳太，(你認識沈小姐嗎？)認識，初識佢時佢入行冇耐，係我眼中，佢似陳生、陳太嘅學生，當時佢仲叫我小心揀經理人。(你對事件有乜諗法？)一個係我93年已開始合作嘅夥伴，一個就突然跳出嚟，係人都知點揀，身為學生對老師咁樣，你叫我點信佢，我本身係守舊嘅人，就算第日同陳太不和，都唔會同佢(沈)合作！件事已經進入司法程序，我都唔想多做評論，亦都唔想被人利用，令某人達到目的。」

贊成取消傳媒大獎
此外，香港樂壇的「四台聯頒傳媒大獎」宣布取消，學友坦言不感可惜，他說：「無辦法，如果有啲人喺巿場上，有得唱不過無法去競逐獎項，好唔客觀，取消就冇唔公平！」他認為頒獎禮有太多利益、人與人的關係，今次肯堅持(取消)是前進一步，學友表示很支持！