發表者： 雙魚座 於 2005-08-17 11:19:27 (270 人閱讀過)

               【東方日報專訊】張學友身為「香港迪士尼樂園名譽大使」，日前獲邀到迪士尼實地考察，成為全球首位正式暢遊香港迪士尼樂園的藝人，感到雙倍榮幸，還向迪士尼獻計興建海洋世界。


迪士尼將於九月十二日正式開幕，但學友日前已率先遊覽迪士尼，暢遊睡公主城堡、美國小鎮大街、明日世界、探險世界、幻想世界，又和經典卡通人物米奇老鼠合照、布魯托握手，體驗夢幻樂園的奇妙世界，學友雖已為人父，但亦興奮得如大細路般，雙手高舉Ｖ字勝利手勢，重拾童真一面。

感覺如夢想成真

當日學友為九月份播映的電影《海底奇兵》到迪士尼實地錄影，他興奮地說：「以前冇諗過香港會有迪士尼樂園，經過六年等待，呢個奇妙世界終於落成，而我更加能夠率先踏入香港迪士尼樂園，真係雙倍開心，雙倍榮幸，感覺好似夢想成真一樣。」雖然學友拍攝時態度十分認真，但一有空檔即四處遊覽，被工作人員笑他像大細路，學友笑說：「呢個係自然定律，到迪士尼童話國度，見到咁多卡通人物，唔變大細路至怪呀。」

提議建海洋世界

由於迪士尼在開幕後仍會繼續擴建，童心未泯的學友即提議：「希望迪士尼興建海洋世界，因為我最鍾意睇《海底奇兵》，卡通片面講父子情令我感同身受，加上當時自己本來有機會為呢套卡通片配音，可惜因檔期問題告吹。」學友還驚嘆迪士尼有新鮮出爐蛋撻食，令他喜出望外，希望下次有機會到迪士尼玩足三日兩夜。