發表者： jacky 於 2004-03-14 11:42:07 (257 人閱讀過)

            志偉淘大舞獅重現歡樂
學友熱 3月 14日 星期日 03:00 更新

【東方日報專訊】曾志偉、劉德華、張學友等一班《江湖》主要演員，昨日於九龍灣淘大商場某食肆筵開十二席，為新片舉行煞科宴，開席前眾演員與大批街坊在淘大的露天步行街駐足欣賞醒獅表演，場面非常熱鬧。



身為老闆的志偉揚言：「一年前淘大發生好多事，今日我特登揀呢度，畀大家睇到場面幾開心，證明畀大家知已經冇晒事！」

而自爆經常到淘大的劉德華亦表示：「沙士排我第一個來淘大，我不嬲都有來，仲早過何志平(新聞 - 網站 - 圖片)十五分鐘添，冇事！」

至於張學友對於控告《壹週刊》一事，他說：「我做我可以做，希望以正視聽，係大事定小事，大家睇法會有唔同，大前提係唔可以影響生活，我已經交畀律師研究。（有冇考慮請保鏢？）冇用，又唔係講打講殺。」

學友頸軟骨凸出

學友又表示當日因受到志偉親臨探病所感動，才接拍《江湖》，他說：「之前我條頸有節軟骨凸出，其實用右手做人都可能有呢種問題，若唔理佢，最嚴重係要做大手術將軟骨取出，到時咪會矮囉！次志偉咁有心來探我，我感激佢咪拍《江湖》囉！」

而對於片中有講述陳冠希(新聞 - 網站 - 圖片)人狗交的敏感情節，學友說：「我唔知係點拍，以前戲都拍過食屎、飲尿，係交代手法。（你會唔會拍？）睇個古仔合唔合理，而家Edison係畀人蹧躓，唔係自願，我一係唔接，接就唔理，不過我戲面都冇乜大膽。」