學友死背爛背「溝」掂日本妹
學友死背爛背「溝」掂日本妹東方日報2018年11月9日 上午5:45
「歌神」張學友用兩年時間火速完成二百多場世界巡迴演唱會，再創新紀錄，還相隔11年再次踏足東京開騷，大晒流利日語，原來是將講稿背到滾瓜爛熟，才能夠全程跟觀眾互動，認真專業。
張學友的《CLASSIC TOUR學友．經典》巡迴演唱會歷時兩載，前晚他在東京都琦玉縣舉行第204場巡唱，他對上一次在日本開騷已是2007年。昨午由東京返港的他，身穿皮褸、戴冷帽及口罩現身機場，透露相隔11年才見日迷，雖沒有特別選唱日文歌，但在舞台上全程講日語：「以前喺日本做騷，好少觀眾係中國人，講中文唔識聽，所以不嬲講日文！其實唔係講係背，死背爛背，今次都係全日文。」連在旁的粉絲都大讚他犀利。
提到月底還會到倫敦及巴黎兩站開騷，可有學定法文？學友笑說：「梗係唔會啦！我去過好多次，搵唔到有幾個係外國人，全部都係中國人去睇。」唱了逾二百場騷，身心可有感疲累？他即精神地說：「唔攰！不過都係要完o架喇！」
坐飛機坐到變「鑽石」
過去兩年，學友如「空中飛人」般最少飛了百多轉，笑言又升回做鑽石級會員，皆因早年大女到英國讀書時，據知他每個星期都飛到當地陪伴：「嗰時飛得好多，有一輪係鑽石級，但後來降咗Grade（級數），但今年開始又升番。」
頁:
[1]