學友代女兒否認拍拖：講Love you等於講bye
學友代女兒否認拍拖：講Love you等於講bye巴士的報 2017年06月26日 (04:47 PM)
歌神張學友的16歲大女張瑤華（Zoe）近日被傳與一名外籍男模Mathis拍拖，而男方在在社交網顯示是人夫，引發爭議。學友為女兒交代稱兩人只是普通朋友關係，又解釋示愛留言：「喺佢哋文化上通常都係咁，講Love you等於講bye bye。」
學友落機即主動幫女兒澄清，因為女同他傾過受困擾和不開心。
學友於內地舉行演唱會後返港即為女兒交代此事，中午約12時半步出機場閘口的他，主動提及女兒並多謝大家關心。他表示已跟女兒了解，指該男子是另一間學校的學生，說：「佢喺社交媒體話自己已結婚係遊戲嚟啫，大家都可想像到，17、8歲準備升學。佢同阿女係朋友，唔係好熟嘅朋友。報紙上見到行山幅相係另一個人，係學校同學。」
學友對女兒被指似舒淇，笑稱沒人講過似他！
談到女兒與Mathis的攬攬照，學友指該男仔在學生界很出名，當模特兒又設計時裝。有否看過攬攬相？他說：「之前冇，今次講咗咪睇下啦，見到『I love you』、『I love you more』，我成日都同阿女咁講，喺佢哋文化上通常都係咁，講Love you等於講bye bye，冇乜特別，我都問過阿女。」他稱女兒由細到大讀國際學校較洋化，習慣外國文化。
學友謂與囡囡經常傾談，今次囡囡都覺得困擾和不開心，影響其他朋友感到不好意思，主動跟他傾訴。他正在做騷也抽時間與女兒解釋，因自己令女兒也被關注，亦因這個朋友沒用真正身分才造成誤會。
有否問女兒有否拍拖？他說有問，女兒表示未有興趣拍拖。日後拍拖會否贊成？他說：「佢細個時我哋非常保護就好憎呢件事，過多個月已17歲，識朋友只要正正常常，最緊要唔好影響學業，就不覺得大問題。（會否接受未來女婿係外國人？）我都理唔到咁多。（會否教女兒識男仔要了解清楚？） 佢自己應該會。（會否叫女兒先帶男友過目？）俾我過目冇意思，通知我得啦，知道咪算，我會以曾經男仔嘅身份俾意見佢…其實衰硬喇，但講定俾佢聽有心理準備。」
學友受訪後上車同傳媒揮手道別。
至於太太羅美薇也很理解件事，學友希望大家體諒藝人下一代也會有壓力，希望她們正常成長少受關注，發育過程正常點，否則要做很多功夫，幫她們度過不同人生關口。他又說接著還有很多下一代，如劉德華、周杰倫過多十多年也要面對同樣問題。此外，談到女兒被指似舒淇，他笑說：「乜都有人講，係冇人講話似我…激死！」
頁:
[1]