爆老婆囡囡有睇騷 張學友抖幾日趕下場
爆老婆囡囡有睇騷 張學友抖幾日趕下場01月03日(二) 03:15
學友講到囡囡老婆就勁開心。
【on.cc東網專訊】 「歌神」張學友假紅館舉行的《A Classic Tour學友．經典世界巡迴演唱會-香港站》尾場演出順利完成，受訪時他表示開騷前最主要調整身體，而太太羅美薇和囡囡這次分別看了兩場和三場。問到太太給他多少分？學友笑言：「都好高分嘅，有幾分面畀。」他坦言初時最擔心體力要求較高，現在就鬆一口氣。他一向對香港場較為緊張，但因為之前巡演已做了18場，所以不會「甩晒轆」，但這次喉嚨有點不舒服，這幾天也要吃消炎藥。
談到學友在台上叫小朋友觀眾不要激父母，問他是否經常被囡囡激？他說：「梗係唔係啦，錫到不得了。細個有細個、大個有大個嘅相處方法。」學友指稍後要到內地做巡演，但因為巡演未完成，因此這次香港場沒有錄影，若要錄影就要回香港再做。他謂未有機會休息，本周五就要到佛山，到農曆新年才休息個多星期。學友強調不是打算退休，但沒把握再開四面台，所以希望今次盡力做：「有啲嘢避免唔到，人會衰退，體力會差，呢個做完如果再隔5年我都60幾。就算我肯做，大家見我跳舞都會唔想我咁辛苦。」他認為這次的流暢度很好，感覺到自己進步，覺得選擇正確：「其實今次有啲歌唔應該咁擺埋一齊，但我想豁出去，開頭有啲冇把握，但而家都可以handle，只要真係想，係可以做得到，做咗咁多年仲可以進步係好難以想像。」
對於很多圈中人到場欣賞，又讚他將演唱會標準拉高，學友稱做騷只是和自己比較，而不是互相比較，沒有設定標準。說到有人指王菲開演唱會走音，學友指這樣比較不公平：「佢淨係唱一場，我哋唱嘅歌同表演方式又唔同，佢唱一場冇得操，我時間長啲，可以修正。
頁:
[1]