重返香港主場 學友超感動：講嘢嗰陣大家反應都多啲！
【迫羅美薇嚟睇】重返香港主場 學友超感動：講嘢嗰陣大家反應都多啲！蘋果日報 時間 (HKT): 1205 00:25
今日係學友紅館騷頭場，完騷後學友喺場外接受訪問。問到學友係咪覺得真係返香港開騷開心啲？佢話：「自己有啲緊張，不過都OK嘅，覺得自己今次表現有80分，因為之前做咗十幾場，就算有啲緊張、甩漏都OK嘅。」咁扣咗嗰20分去咗邊？學友話有啲細微嘅位要執下；咁為咗今次個騷有冇瘦到？學友話：「冇瘦到，來來去去都係差5磅。」
另外，學友今晚換咗好多衫，係咪目不暇給？佢話：「個台好靚，其實係我諗嘅。」咁製作費用咗幾錢？學友就冇答，不過話：「成個Tour好長，會成個台搬去，真係唔知幾多錢。但係多好謝主辦單位，放晒手俾我去做，所有我講嘅嘢，除非技術上面做唔到，其他嘢都做到晒。咁用多製作費有冇減歌酬？學友話冇，係多過之前，仲笑言多好多㗎。
問學友有冇諗住破紀錄？佢就話：「冇諗過喎，總之開心做呢個騷就得喇，有得做都會做，因為始終都需要好多體力。當仲可以做到就做囉。」學友又話自己揀咗好多經典嘅歌，見到好多歌迷合唱，自己都好感動。
學友首場騷惜字如金，第二句就話好開心可以返番嚟香港呢個主場。問學友係咪覺得返嚟香港開騷觀眾反應會多啲？佢話：「好明顯講嘢時大家反應多啲，都感動嘅。如果喺內地唱國語歌，觀眾就會跟住唱，喺香港就相反。」
問到屋企人有冇嚟？學友話：「媽咪嚟咗，小朋友因為要返學就冇嚟。」咁太太會唔會嚟撐場？學友話：「佢都會嚟睇，當然係我逼佢嚟睇啦。」
問到點解今次演唱會淨係俾影頭兩首歌？學友話以前都係一向呢個做法，可能o依家唔同咗啩。
此新聞相關影片：http://www.jackyclub.com/thread-16748-1-1.html
學友話今晚頭場俾自己80分！
頁:
[1]