奚仲文設計至潮死神 學友客串《陀地驅魔人》
【好有型喎！】奚仲文設計至潮死神 學友客串《陀地驅魔人》蘋果娛樂 2015年12月01日
張家輝自導自演驚慄片《陀地驅魔人》請哎吔阿哥張學友客串演出，家輝仲特別搵嚟星級美術指導奚仲文為學友設計至潮死神look，着西裝襯紳士帽嘅學友，將塊面同雙手都搽到鬼咁白，喺街度拎住黑傘拍攝時份外搶眼，不但引嚟途人圍觀，女主角林嘉欣同曾志偉都有嚟探班。
家輝坦言籌備電影時已為學友預留角色，佢話：「佢係我阿哥喎，要做個有份量嘅角色。」學友就笑住話：「我哋演員嚟，特唔特別都盡力做，我覺得可以演好啲，但導演收貨就算啦。」學友仲讚家輝好認真，行六層樓上天台睇位，問學友有冇興趣做導演？佢笑住話：「家輝叫我千祈唔好做，好辛苦。」
此新聞相關影片 : [影片]驅魔人拍攝現場花絮
家輝做導演好認真。
好有型喎！
林嘉欣同曾志偉都有嚟探班。
頁:
[1]