榮譽院士唔夠喉 張學友呻想攞博士
榮譽院士唔夠喉 張學友呻想攞博士東網 06月24日(三) 17:13
張學友獲頒授榮譽院士，佢笑話呢個年紀應該攞博士，不過都係好開心！
【on.cc東網專訊】 歌神張學友出席香港演藝學院「榮譽博士暨榮譽院士頒授典禮」獲頒授榮譽院士，學友穿上紫色銀帶的院士袍出現。典禮開始時由電影電視學院院長舒琪為學友誦讀讚辭，在入行31年的卓越成就及宣布獲榮譽院士。
等攞博士先請家人撐場？
頒獎禮後學友接受訪問，講到見他台上表情嚴肅是否很緊張？學友笑言：「因為係排第一個出，知道程度時間都要準確，又記住啲走位，雖然都好簡單。」不見太太和女兒撐場？學友笑謂：「等我攞博士先啦，今晚冇特別慶祝都係屋企食吓飯，咁太太都有恭喜我。（真係等攞博士先請？）講笑啫，都唔知有冇機會。」對於會否拍更多戲？學友表示：「唔知有冇幫助。（要開埋香港演唱會先拍？）咁依家都拍緊部，完咗仲拍多一部，希望出年搞演唱會，但日期都未定實。」
期待阿女着畢業袍
問到穿上畢業袍感覺？學友坦言：「叫做着過啦，冇諗住着到，我呢啲讀書差嘅，讀書叻嘅人好快着到，以我嘅年紀應該攞到博士，咁當然依家都開心啦，係個榮譽嚟。（依家最期待係個女着畢業袍？）當然啦，雖然我着佢唔在場，但佢着我一定在場。（會感動流淚？）呢啲係發自內心，咁早講定就怪怪地，但我都期待嘅，快架啦等多幾年。」
未知去唔去金曲獎
問到可出席周六在台北舉行的金曲獎頒獎禮？學友稱要看劇組檔期，如果檔期可以都出席。講到同樣和學友一樣有份角逐男歌手獎的陳奕迅，表示看好佢攞獎？學友坦言沒有期待獎項：「過得去係預咗坐，因評審團都係嗰班，唔會突然轉咗睇法！（預冇獎？）應該冇啦，預咗去坐。」
此新聞相關影片 : http://www.jackyclub.com/thread-16275-1-1.html
學友講笑話要攞博士時先會叫太太阿女撐場！
睇吓學友個嚴肅樣！
好緊張呀喂！
獲頒授榮譽院士一刻！
學友話依家等阿女着畢業袍，到時一定會在場！
學友之後輕鬆晒！
有份角逐台灣金曲獎最佳男歌手嘅歌神話預咗冇獎！
頁:
[1]