林嘉欣老公執導 學友爆親熱戲點到即止
林嘉欣老公執導 學友爆親熱戲點到即止東網 06月22日(一) 20:34
張學友大讚林嘉欣老公袁劍偉是一個出色的導演。
【on.cc東網專訊】 英皇集團主席楊受成博士、英皇電影行政總裁利雅博、影星張學友、林嘉欣、黃秋生、衛詩雅及導演袁劍偉在數碼港出席新片《暗色天堂》開鏡。
首次執導大電影的袁劍偉應傳媒要求與老婆林嘉欣合照，並用手搭着老婆膊頭，嘉欣即露出一副小鳥依人甜蜜樣子。惟拍照後，工作人員指導演要忙準備拍攝工作，未能接受訪問，結果留下嘉欣與學友一同受訪。
13年後再合作有新鮮感
學友與嘉欣自13年前《男人四十》後再度合作，嘉欣說：「同學友合作好舒服，佢做好多功課，啲戲好睇，我好多時都專登睇佢做戲。（你探你老公班咋？）唔係呀！」
學友則說：「咁耐冇同嘉欣合作，感覺以前係我帶新人，依家係嘉欣帶住我。（戲中嘉欣色誘你，會否尷尬？）唔會，做戲啫，親熱戲都點到即止。（佢老公錫住老婆？）我都懷疑係，我有同導演講，我話你喺度，我好尷尬，佢話咁佢唔睇囉，佢係導演，點可以唔睇，所以我後尾冇理佢。」
唔會同老公嗌交
嘉欣則坦言不尷尬：「大家都清楚個戲點走，唔尷尬。（諗過唔拍色誘情節？）冇，反而睇劇本時，已覺得好啱學友做，上次為佢MV客串時，我不斷求佢演。（同老公合作會嘈交？）冇，我哋唔嗌交。」
口快快導演變爸爸
學友好欣賞袁導演，他說：「我識導演好耐，佢好有藝術觸覺，後來我同楊老闆（楊受成）講起，佢都支持拍呢個戲。」他又踢爆嘉欣與導演在片場內以爸爸媽媽相稱，令他後來也跟着叫導演做爸爸。嘉欣聞言，害羞地說：「我唔小心（口快快），唔記得咗啫，搞到依家片場好多人都叫佢做爸爸。」
此新聞相關影片請點：http://www.jackyclub.com/thread-16268-1-1.html
英皇集團主席楊受成博士（左六）主持拜神儀式。
楊受成（左二）祝賀林嘉欣（右起）、張學友及導演袁劍偉拍攝順利。
相隔13年，學友與嘉欣再度合作，感到充滿新鮮感。
頁:
[1]