學友大女回流：佢唔鍾意咪返嚟囉
學友大女回流：佢唔鍾意咪返嚟囉東方日報 1月31日 (六)
「歌神」張學友前年忍心安排大女兒瑤華到英國讀書，奈何瑤華無法適應英國的生活，夫婦二人商量後遂尊重女兒決定，學友說：「咁佢唔鍾意，咪畀佢返嚟囉！」秘密返港後，學友安排瑤華入讀英國貴族學校哈羅國際學校。
被喻為廿四孝老竇的張學友，前年為令女兒獨立及有良好學習環境，忍心送今年14歲的長女張瑤華到英國讀書，每當不用工作，學友總會飛到英國陪伴女兒，據今期《好報》獨家踢爆，學友讓瑤華秘密回流，並安排她入讀每年學費至少17萬港元的英國貴族學校哈羅國際學校。
日前下午四時學友駕車直駛到位於屯門的哈羅國際學校，在停車場內見身穿運動衫及短褲，露出白滑長腿的瑤華，拿着一個紅白藍袋及大篋在等候，學友把車停下來，急急腳打開車尾箱，瑤華主動把紅白藍袋及大篋搬入車內，學友則幫忙搬其他物品上車，見兩父女喁喁細語，瑤華不時臉露甜笑，之後兩父女驅車直往大坑探望嫲嫲。
夫婦尊重決定
對於女兒瑤華秘密返港繼續學業，學友坦白說：「冇諗住隱暪啲咩，主要係佢（瑤華）唔鍾意同唔習慣英國嘅生活，咁佢唔鍾意，咪畀佢返嚟囉！我哋嘅決定，係從佢開心定唔開心嘅角度去睇，我同老婆商量過，當然老婆想佢再喺英國試吓，但最後我哋都尊重個女嘅決定。」學友這邊廂湊完女放學，之後到大坑探媽媽。
日前夜晚他陪太太羅美薇出席契媽於跑馬地搞的生日派對，離開時羅美薇貫徹低調作風，戴上口罩，學友先掩護太太上車。羅美薇熱愛運動健身，日前晚上駕着學友的座駕直往深灣遊艇會做運動，48歲的羅美薇蓄着清爽短髮，保養得宜，兩人結婚十九載，是圈中模範夫婦，學友說：「都係咁啦，冇乜特別嘢，都老夫老妻。」
而學友日前到電台宣傳國語專輯，問到有否留意內地歌唱節目？他說：「都有睇。（會參加？）唔想再比賽，唔係反對呢啲節目，只係過唔到自己嗰關。我已經畀人攞嚟比較咗一世，真係攰，近呢十年覺得幾自在，寧願自在咁唱歌。」對於不少歌手愛飆高音，學友表示很難界定對錯，最重要比賽過程好玩同開心。
文：音樂組
張瑤華變得主動獨立，縱使獲爸爸接放學，仍獨自把紅白藍袋搬上車。
學友與羅美薇早前出席契媽的生日派對，先掩護太太上車，盡顯愛妻之情。
今期《好報》獨家爆學友讓瑤華秘密回流，並安排她入讀英國貴族學校哈羅。
頁:
[1]