向學友點歌傳情 Sammi「用餘生去愛」許志安
向學友點歌傳情 Sammi「用餘生去愛」許志安文匯報
■Sammi封學友為「樂壇慈父」。
香港文匯報訊 「Touch Mi鄭秀文世界巡迴演唱會」 前晚在紅館舉行第8場演出。當晚天王張學友擔任表演嘉賓，學友爆料指他原本不計劃唱新歌《用餘生去愛》，但Sammi則很希望聽到，再看看首歌原來是講一對男女經歷了波折，學懂怎樣去愛，他隨即明白Sammi為何點唱。無獨有偶，當晚許志安由頭坐到尾，而且看得非常投入。
周慧敏、鄧萃雯、伍詠薇和老公、盧凱彤、魏如萱、李浩霖等有份捧Sammi場。不過最矚目的可說是許志安，他不但由頭坐到尾，而且非常投入，與鄰座Sammi的家姐一齊揮棒應援，又口嗡嗡跟著唱。
表演嘉賓張學友出場，全場震撼。Sammi「繑住」學友行完舞台上「紅地毯」，她指學友逢騷必到，有求必應，封他「樂壇慈父」。
熒幕初吻送學友話open
原來他們早於Sammi首部電影《飛虎精英之人間有情》演情侶，Sammi笑說：「我同你拍第一套電影，不過好少人留意，如果大家翻睇請留意我當年的大髀！」學友說：「好厲害，唔知點解你的baby fat真係好奇怪，baby左幾廿年，突然之間冇晒！」Sammi反擊說：「咩突然間？我好盡力咁減架！」
現場播出學友和Sammi在電影中咀嘴相片，全場嘩然！Sammi更大叫：「嘩，好open呀，我細個做乜咁Open？拍埋呢的三級片？學友，我就送左熒幕初吻畀你啦，好滋味啦，黏晒嘴咁樣！」學友笑Sammi當時夠肉，Sammi即激動謂：「咩意思呀？」學友講得興起時幾乎踩到Sammi的裙腳，她笑說：「唔好踩到我條裙啦，著完要還架！」引來哄堂大笑。
她又為學友的新專輯宣傳，學友笑言：「我唔係系度做宣傳！」Sammi卻搞笑回應說：「我鍾意同你做宣傳呀！咁順便宣傳埋我個隻，買學友個隻『燒肉』就搭我個隻『豬頭骨』，買埋我隻碟啦，多謝各位！」博得全場掌聲。
完騷後最想食豬肉乾
Sammi隨後落台換衫，學友則趁機爆料說：「我先旨聲明，我唔係plug歌，因為我做嘉賓好少唱新歌。但佢話真係好想我唱呢首新歌，咁我返去睇的歌詞就知道點解要我唱呢首歌喎！首歌係講一對男女經歷地波折，學懂點樣去愛！」觀眾歡呼，有人更大叫「安仔」，學友續說：「所以我知道呢首歌點解感動到Sammi！」然後他獻唱《用餘生去愛》。
此外，已完7場演出的Sammi繼續狀態大勇，前日開騷唱了多首快歌後，笑言：「仲有4場，完騷第一件事我要放塊豬肉乾入口，仲要食叉燒飯。歡迎你地送豬肉乾、雞蛋仔、花生糖。其實令我開心真係好簡單！」
觀賞影片請至 : http://www.jackyclub.com/thread-15963-1-1.html
頁:
[1]