張學友直認麻煩人 出新碟話晒事
張學友直認麻煩人 出新碟話晒事東網 12月15日(一) 16:21
張學友坦言自己都算是麻煩人，特別是在音樂方面很認真。
【on.cc東網專訊】 張學友出席《醒著做夢》試聽會，新國語專輯於12月23日推出，故唱片公司特別舉行試聽會，讓學友與樂迷分享新歌。問到新碟是刻意安排聖誕檔期推出？學友表示原定是10月推出，但因製作方面遲了，故唱片公司想改為明年出，然而他卻不想，終於才定了12月23日出新碟。
雖然12月23日臨近聖誕節，但學友稱會照常工作，又會飛到台灣宣傳。問到不用陪家人放聖誕假？學友坦言：「可以做完嘢先陪。」問到出新碟有沒有壓力？學友坦言：「冇壓力，依家都冇人會諗出碟要賣幾多銷量，最緊要做得好唔好，自己就覺得OK。（只評OK？你嘅要求好高，所以你之前接受訪問時都認自己係麻煩人？）都係，因為有啲嘢都係我搞遲咗，好似有首歌杜自持做好晒音樂，但我就唔鍾意要佢重頭做過。」問到做碟過程中會否有很多爭拗？學友笑言：「又冇嘅，因為都係我話事嘅。」
頁:
[1]