【嘉玲生日】上台特別多謝助手 陪伴19年
【嘉玲生日】上台特別多謝助手 陪伴19年 王菲冇開金口唱歌蘋果日報 1207 23:48 / 建立時間: 1207 22:25
學友因為另有活動出席，10點半先到場。
(攝影：仇志德、陳俊強)(蘋果日報)
今晚劉嘉玲就喺灣仔君悅酒店，豪花百萬搞生日P，嘉玲今晚擺咗12圍，菜式就中西合壁，嘉玲仲送咗相薄畀到場嘅賓客。
嘉玲亦請來一個法國畫家，專程喺瑞士過嚟，畫咗一張嘉玲12歲個樣嘅畫畀佢，因為嘉玲好鍾意呢張相。劉謙就表演魔術，現場仲有live band演出，不過王菲就冇上台。
之後嘉玲換咗件紅色連身裙上台分享感受，佢話好感動有好多人滋潤佢，仲特別多謝佢嘅助手CK 19年嚟陪住佢，而10點左右，王菲就離開，10點半嘅時候，工作人員就拎咗十幾袋禮物出嚟搬上車，當中有唔少名牌。
而學友就因為要出席港台Uncle Ray 90歲大壽活動，所以10點半先到，佢到場時手上拎住個紅色紙手袋仔，記者影相時唔小心跣腳，學友即問有冇事。問到佢送咩俾嘉玲，佢話:「都係嗰啲啦，禮物同卡囉。」佢一路入酒店門口就同記者講:「唔該晒，bye bye。」到10點45分左右，趙薇就離開。
到11點，向華強就自己一個人離開，太太陳嵐就仲喺場內，最奇怪係向華強自己坐的士走，而唔係私家車。再過多一陣，梁朝偉媽媽亦離開，佢面對傳媒笑容滿面同記者朋友講bye bye。
到11點45分，劉偉強就面紅紅咁走，問佢有冇唱歌，佢話學友就有唱《NEW YORK NEW YORK》，嘉玲就冇唱。之後向太，何超盈，何柱國同張學友等亦陸續離場。問學友唱咗幾首歌，佢話一首，咁係咪嘉玲點唱?佢笑言:「係佢唱我唱，唔係點唱。」咁在場邊個醉咗?佢話:「表面睇係劉嘉玲同梁朝偉。」問到例醉嘅志偉，佢就話:「未喎，可能今晚要令大家失望。」又表示聽朝有嘢做所以早走。
http://static.apple.nextmedia.com/images/e-paper/20141207/large/1417962817_4000.jpg
劉嘉玲喺灣仔君悅酒店，豪花百萬搞生日P。
頁:
[1]