【蘇永康結婚】學友唔敢教蘇永康造人
【蘇永康結婚】學友唔敢教蘇永康造人：問啲熟手0架啦！蘋果日報 2014-12-02 19:52:00
(攝影：葉君海、沈健程)
今晚出席蘇永康婚宴嘅賓客，傍晚開始陸續抵達婚宴現場洲際酒店，當中包括唱片公司老闆林建岳、黃柏高、任達華及任賢齊等，而張學友於晚上6點幾左右由助手陪同下抵達酒店，太太羅美薇沒有同行。
學友話MayMay一向唔習慣去多圈中人嘅場合，而佢今日亦都只係帶咗禮金到賀，冇特別買禮物，但禮金多少就不肯透露。
有指康仔話婚後會開始造人大計，咁學友有冇乜嘢提議？學友搞笑道：「嘩！我生手咗咁耐，問啲熟手0架啦！」
今晚婚宴真係比頒獎禮更熱鬧，雖然傳說中會到嘅王菲霆鋒最後未有出席，但安仔嘅另一半鄭秀文、同劉浩龍女友祖兒都來到賀，學友直言：「咁梗係，頒獎有派系，喜事就冇。」
至於派系是唱片公司形成還是電視台，學友聞言即笑笑口說：「我都唔去，同我冇關係，但係唔同媒體有自己嘅制度，唱片公司又有自己嘅睇法，各自決定啦！」
對於無綫終於跪低，沒有合約嘅歌手都可以現身任何節目，學友大讚是好事，佢話：「本來就應該冇呢啲事（限制）係咪先？咁恭喜佢哋啦！睇化咗喇！咁先百花齊放嘛！」
頁:
[1]