張學友無力切燒豬→於 2012-05-22 22:33:04
發表者： jacky 於 2012-05-22 22:33:04 (296 人閱讀過)張學友無力切燒豬
新報 - 2012年5月18日
歌神張學友昨日下午四時身穿黑色運動裝，精神奕奕現身亞洲國際博覽館門外，為晚上舉行《張學友1/2世紀演唱會Century Tour 最終站.香港》進行拜神儀式。學友脫帽持香誠心參拜四方及燒衣紙，緊接執刀切燒豬，但學友看來不夠力，又拖又插，並需在旁的經理人陳淑芬出手幫一把，才能切開豬肉。完成儀式學友接受訪問，他表示今晚演出巡迴演唱137場，146場全部完結。
他表示並不緊張，但有捨不得。完成個唱後會休息充電。問到不用飛來飛去可留在家中陪伴兩個女兒？他唱反調表示：「未必，見少啲反而珍惜。（最近發生風化案？）哦，喺Studio度，我都有教兩個女。（劉德華都生咗女？）我有機會都恭喜佢，生女好玩，好開心。（兩個女大個擔唔擔心？）開始擔心，唔止做呢行，所有父母都擔心。（有家規畀兩個女？）冇得Set，唔同時代有唔同改變，最緊要教識佢邊啲場合應該做乜，不過講就容易做就難，喺佢未識自己分析之前，盡量畀佢知道。希望同兩個女做到朋友咁，咁佢信任我就唔會隱瞞任何事。其實講到湊B我都係新手，到生咗第二個先至好啲。（大女有男朋友嗎？）冇，反而七歲嗰個女有男仔朋友啦。」雯雯報道
頁:
[1]